ရန်ကုန်၊ ဒီဇင်ဘာလ (၂၈) ရက်။
မြန်မာနိုင်ငံကြက်ခြေနီအသင်း ဥက္ကဌ ဒေါက်တာမောင်မောင်မြင့်ဦးဆောင်သော တာဝန်ရှိသူများသည် ယနေ့ မွန်းလွဲ (၁) နာရီက ရန်ကုန်ရုံးခွဲတွင်ပြုလုပ်သည့် တရုတ်နိုင်ငံကြက်ခြေနီအသင်းမှ လှူဒါန်းသည့် ကိုဗစ်-၁၉ ကာကွယ်ဆေး Dose (၂၀၀,၀၀၀) လွှဲပြောင်းပွဲကို တက်ရောက်ခဲ့ပါသည်။
ရှေးဦးစွာ အသင်းဥက္ကဌမှ နှုတ်ခွန်းဆက်စကားပြောကြားရာတွင် အသင်းမှ ကိုဗစ်-၁၉ ကာကွယ်တားဆီးရေးလှုပ်ရှားဆောင်ရွက်နေမှုများကိုလည်းကောင်း၊ ယခုလှူဒါန်းသည့် ကာကွယ်ဆေးများကို ရပ်ရွာလူထု အတွက် အကျိုးရှိရှိအသုံးချနိုင်ရန် ပြင်ဆင်ထားမှုများနှင့် စပ်လျဉ်းပြီး ပြောကြားခဲ့ပါသည်။ ဆက်လက်ပြီး တရုတ်နိုင်ငံကြက်ခြေနီအသင်း၏ ကိုယ်စား မြန်မာနိုင်ငံဆိုင်ရာ တရုတ်နိုင်ငံ သံရုံးမှ Minister Councellor Ms.Li Xiaoyan က လှူဒါန်းမှုနှင့် စပ်လျဉ်းပြီးရှင်းလင်းပြောကြားခဲ့ပါသည်။
ယင်းနောက် အသင်းဥက္ကဌမှ ဂုဏ်ပြုမှတ်တမ်းလွှာနှင့် လက်ဆောင်ပစ္စည်းများ ပြန်လည်ပေးအပ်ခဲ့ကာ အသင်း၏ ရှေ့ဆက်ဆောင်ရွက်မည့် လူမှုကရုဏာလုပ်ငန်းများနှင့် စပ်လျဉ်းပြီး ပံ့ပိုးပေးနိုင်မည့် အခြေအနေများကို ရင်းနှီးပွင့်လင်းစွား ဆွေးနွေးခဲ့ကြပါသည်။
အခမ်းအနားကို အသင်းဥက္ကဌနှင့်အတူ ဒုတိယဥက္ကဌ ဒေါက်တာဒေါ်အမယာမော်နိုင်၊ အချိန်ပြည့်အလုပ်အမှုဆောင် ပါမောက္ခဒေါက်တာ ဒေါ်မြသူ၊ အထွေထွေအတွင်းရေးမှူး ပါမောက္ခဒေါက်တာ ထင်ဇော်စိုးနှင့် တာဝန်ရှိသူများတက်ရောက်ခဲ့ကြပြီး တရုတ်နိုင်ငံကြက်ခြေနီအသင်း၏ ကိုယ်စား မြန်မာနိုင်ငံဆိုင်ရာ တရုတ်နိုင်ငံသံရုံးမှ Minister Councellor နှင့် အတူ Mr. Qiu Ruilin ၊ မြန်မာ-တရုတ်စီးပွားရေးနှင့် စက်မှုလက်မှု ကုန်သည်ကြီးများအသင်းမှ ဥက္ကဌ ဦးအောင်မိုးနှင့် တာဝန်ရှိသူများ တက်ရောက်ခဲ့ပါသည်။
လူမှုကရုဏာလုပ်ငန်းဆိုင်ရာပြန်ကြားဆက်သွယ်ရေးဌာန
No comments:
Post a Comment